Hayeli.am-ը կազմել է Մեր կին գործիչների զավեշտալի, անհեթեթ, սկանդալային և ամենատպավորված «բոցերի» տասնյակը, որը նրանք արել են 2012 թվականի ընթացքում։ Մեջբերում եմ թոփ 10-յակը.
 | 1.Առաջին պատվավոր տեղում ՕԵԿ պատգամավոր Հեղինե Բիշարյանն է, ով խորհրդարանական քարոզարշավում հայտարարեց, թե ի դեմս Արթուր Բաղդասարյանի ՕԵԿ-ում կանայք շատ են։ |
 | 2. ՀՀԿ-ական պատգամավոր, ԱԺ փոխնախագահ Հերմինե Նաղդալյան, ով ՀՀԿ 14-րդ համագումարում հայտարարեց՝ «ՀՀԿ անդամ 80 հազար կանանց թեկնածուն Սերժ Սարգսյանն է: Դա ինքնաբերաբար կայացված որոշում չէ, որը բխում է միայն կուսակցականությունից: Դա խորապես կայացված որոշում է»: |
 | 3.Երգչուհի պատգամավոր Շուշան Պետրոսյանն է, ով իր հորաքրոջ՝ Ալվարդ Պետրոսյանի ընտանիքին անվանեց թուրքմենբաշու ընտանիք: |
 | 4.Գրող, հրապարակախոս Ալվարդ Պետրոսյան, ով հարազատ եղբոր աղջկա՝ Շուշան Պետրոսյանի մասին ասաց. «Շուշան Պետրոսյանն ինձ հարազատ չի»: |
| 5.«Ժանանգության» Թուր Կեծակին՝ պատգամավոր Զարուհի Փոստանջյանը, ով Սյունիքի մարզպետ Սուրեն Խաչատրյանին՝ Լիսկային, խուլիգան անվանեց: Հիշեցնենք՝ Սուրեն Խաչատրյանը հեռախոսով հայհոյանքներ էր հասցրել տիկին Փոստանջյանին, իսկ հետո էլ արդարացել. «Զանգեց, ղժղժաց, ես էլ ասացի՝ դե գնա….»: | |
 |
6.Ազգային ժողովի ՀՀԿ խմբակցության պատգամավոր Նաիրա Կարապետյան, ում բաժին հասավ տարվա սիրային արկած, բլեֆ և առեղծված հորիզոնականը: Հիշեցնենք, որ անհայտ երկրպագուն սիրո ասպետական խոստովանություն էր արել օրիորդ Նաիրա Կարապետյանին: Նա գիշերով ծառերի բների, ցանկապատերի և անգամ ցայտաղբյուրների վրա փակցրել էր պաստառներ՝ հետեւյալ գրություններով` «Նառա, ես քեզ սիրում եմ», «Միշտ ժպտա»: Այս պաստառների լուսանկարները պատգամավորը հրապարակել էր Ֆեյսբուքի իր էջում:
|
 | 7.ՀՀԿ-ական պատգամավոր, օրիորդ Արփինե Հովհաննիսյան. հանուն նրա Հովիկ Աբրահամյանը ասպետական մենամարտ էր սկսել ԱԺ դահլիճում: |
| 8.Երգչուհի Սիրուշո. գոմեշի հետքերով՝ «Պռոգոմեշ»: Սիրուշոն գնաց գոմեշի հետքերով ու հաջողեց Կոմիտասին այլասերելու նոր ռեկորդ սահմանել: | |
 | 9.ԲՀԿ խմբակցության պատգամավոր Նաիրա Զոհրաբյան, ով ՀՀԿ-ական պատգամավորներին ասել էր. «Այնքան տկար են, որ անգամ չեն կարողանում իրենց մտքերն ասել ու իրենց համար հատուկ մտքեր գրողներ են պահում, ուստի, ես արժանավայել չեմ համարում նրանց պատասխանելը»: Ի պատասխան ՀՀԿ-ական Նաիրա Կարապետյանը Զոհրաբյանին անվանեց կամելիազարդ տիկին: |
 | 10.Գործարար Սիլվա Համբարձումյան, ով միանգամից հանրահայտ դարձավ Սյունիքի մարզպետ Սուրեն Խաչատրյանի՝ Լիսկայի ծեծից հետո: Ճիշտ է, միջադեպը տեղի էր ունեցել դեռևս 2011 թվականին, բայց դեպքի մասին մամուլում 2012-ին բավական շատ գրվեց: Ասում են՝ «Արմենիա Մարիոթում» տեղի ունեցած միջադեպից հետո Սյունաց մարզպետի կաբինետի դիմաց կանանց մեծ հերթ է գոյացել: Նրանց բոլորին այստեղ է բերել հանրահայտ դառնալու չիրականացված երազանքը: |